Милчо Манчевски
роден на 18 октомври 1959 година во Скопје. Како
стипендијант на Универзитетот во Јужен Илиној, САД, во 1982 дипломира на
факултетот за филм и фотографија во Карбондејл. Од 1985 живее во Њујорк и
Скопје.
Автор е на над шеесет филмски дела: кусометражни, играни и
документарни филмови, видео-спотови, реклами и долгометражни филмски
сценарија.
Автор е на книгата Духот на мајка ми.
Од 1974 до 2000 објавува над 200 новинарски текстови,
интервјуа и есеи.
Раскази и есеи објавува во New American Writing,
Corriere Della Sera, La Republica,
Маргина, Културен живот, Разгледи, Форум,
Нова Македонија, Синеаст, Ду-А-А.
Автор е на изложбата фотографии Улица, проследена со
истоимената книга фотографии.
Неговиот музички спот Тенеси (1991) за групата
Арестед дивелопмент во 1992 ги доби двете највисоки награди за
видео-спот: на Музичката Телевизија
MTV
и на списанието Билборд. Списанието
Ролинг стоун го вброи Тенеси меѓу 100-те најдобри спотови на
сите времиња.
Основач е на уметничката група 1АМ, што беше активна
во Скопје во осумдесеттите. Добитник е на награди за своите перформанси
1,72 и 1,73.
Пред дождот (1994) е неговиот прв долгометражен
игран филм, за кој го освои Златниот лав за најдобар филм на 51
Венецијански филмски фестивал, и е првиот дебитант, по Андреј Тарковски во
1962, што ја добива оваа награда. Пред дождот освои вкупно 30
награди и признанија во светот, вклучувајќи ја и номинацијата за Оскар во
1995.
Во 2000 го сними својот втор игран филм, Прашина.
Милчо Манчевски е добитник на највисокото македонско
државно и општествено признание, наградата 11 Октомври за 1995, за
"особен придонес во културата на Република Македонија и нејзината
афирмација низ целиот свет".
¤ Милчо Манчевски:
Пред дванаесет години
